Гарадзенец надумаў вярнуць грошы за тэлевізар, які стаў дрэнна працаваць пасля заканчэння гарантыі
9- 3.04.2025, 15:31
- 5,676
Атрымалася?
Беларус змог вярнуць грошы за тэлевізар, які перастаў карэктна працаваць пасля заканчэння гарантыі, паведамілі ў прэс-службе Дзяржаўнага камітэта судовых экспертыз.
Жыхар Гародні больш за год таму набыў у краме тэлевізар, гарантыйны тэрмін на які ўжо скончыўся. У перыяд паслягарантыйнага выкарыстання тэлевізар перастаў карэктна паказваць выяву, на экране з'явіліся палосы. Мужчына неаднаразова звяртаўся да прадаўца з просьбай аб скасаванні дамовы, але атрымліваў адмову з прычыны заканчэння гарантыйнага тэрміна эксплуатацыі.
З такой пастановай мужчына не пагадзіўся і звярнуўся ў суд з патрабаваннем спагнаць з прадаўца на яго карысць грашовую кампенсацыю маральнай шкоды, а таксама штраф за немагчымасць карыстання тэлевізарам да дня разгляду справы. Адказчык адмовіўся прызнаваць пазоўныя патрабаванні. Для развязання спрэчнага пытання прызначылі судовую экспэртызу радыёэлектронных устройстваў і бытавой тэхнікі.
«Падчас правядзення экспэртызы дэфект, указаны заяўнікам, пацвердзіўся. Па выніках даследавання выяўлена, што тэлевізар знаходзіцца ў непрацаздольным стане з прычыны наяўнасці няспраўнасці ў выглядзе гарызантальных палос у ніжняй частцы экрана і няспраўнасці ў выглядзе самаадвольнага адключэння выявы на экране праз розны прамежак часу з прычыны няспраўнасці матрыцы», - расказалі спецыялісты.
Экспэрты не выявілі пашкоджанняў, якія ўказваюць на парушэнне правілаў эксплуатацыі тэлевізара.
З улікам таго, што факт продажу тавару неналежнай якасці знайшоў сваё пацвярджэнне, адказчык добраахвотна задаволіў патрабаванні пазоўніка, які ў далейшым адмовіўся ад іску.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
