«Простаму чалавеку такі дом і не сніўся, гэта толькі чынушам па кішэні»
7- 3.04.2025, 16:17
- 9,656
Мянчанка паказала вуліцу з катэджамі пад Гомелем і выклікала рэзананс.
Карыстальнік ЦікТока паказала новую забудову пасёлка Урыцкага Гомельскага раёна пад выглядам «звычайнай беларускай вёскі», чым выклікала бурную дыскусію ў каментарах, піша «Флагшток».
Сваё відэа аўтарка, якая прадстаўляецца як рэпетытарка кітайскай мовы з Менска, суправаджала тытрамі «Звычайная вёска. Гомельскі раён. У Беларусі ўсе жывуць добра» і паказала вуліцу з новымі катэджамі, у тым ліку трохпавярховымі.
У каментарах аўтарка патлумачыла, што гэта пасёлак яе бацькоў, і там жывуць «простыя людзі».
У адказ прыляцела маса абураных водгукаў. Прыводзім прыклады:
«Простаму чалавеку такі дом і не сніўся, гэта толькі чынушам па кішэні».
«Можа, адсоткаў 5 і жывуць добра, астатнія 95 выжываюць».
«Гэта дамы не простых, звычайных людзей, якіх большасць. Гэта дамы начальнікаў, ІП, міліцыянтаў, мытнікаў, выканкамаўскіх».
«Сумленнаму працавіку, які працуе ў Беларусі, не рэальна, нават не спрачайцеся, ні кватэру набыць, ні пабудавацца. Калі зарабляе ў Еўропе, то так».
Аўтарка працягнула спрачацца, даводзячы, што трэба не ленавацца і працаваць, каб пабудаваць такі дом.
Былі і тыя, хто падтрымаў яе пазіцыю, пераконваючы, што катэджы ўзводзяць не толькі дзяржслужбоўцы, але і «простыя людзі».
«Я даярка, і ў мяне дом у два паверхі, 150 кв. м. І што, магу сабе дазволіць. Узяла крэдыт і ўсё», - напісала Наталля.
Праўда, на яе старонцы няма відэа, якое б пацвярджала гэта.
Іншыя карыстачы заявілі, што на гэтай тэрыторыі выдавалі дзялянкі тым, хто стаяў у чарзе на паляпшэнне жыллёвых умоў, і забудоўнікі змаглі атрымаць ільготныя крэдыты і субсідыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
