Гішпанія скасавала «залатыя візы»

Іх можна было атрымаць за інвестыцыі ў нерухомасць ад 500 тысяч еўраў.

У Гішпаніі набыў моц закон, які касуе выдачу «залатых віз». Іх можна было атрымаць у выпадку буйных інвестыцый - самым запатрабаваным варыянтам атрымання дазволу на жыхарства паводле гэтай праграмы з'яўлялася набыццё нерухомасці коштам, большым за €500 тысяч, паведамляе The Insider.

Гэтая пастанова прынятая ў рамках выканання абавязацельства міністра жыллёвага будаўніцтва і гарадскога парадку Ісабэль Радрыгес, якая намагала на скасаванні гэтага захаду, як парушэння права гішпанцаў на жыллё.

Міністр Радрыгес адзначыла, што скасаванне інвестыцыйных віз садзейнічае забеспячэнню жыллём тых, хто сутыкаецца з цяжкасцямі на перагрэтым рынку нерухомасці. «Выключэнне „залатых віз“ на жыллё дае шанец тым, хто сёння мае праблемы з даступнасцю жылля ў месцах з высокім попытам і дэфіцытам прапановы. Гэта добрая навіна для ўсіх», - заявіла міністр на прэзентацыі справаздачы ў Кабінеце міністраў.

Новы закон, які набывае моц 3 красавіка, цалкам касуе выдачу ўсіх тыпаў інвестыцыйных віз, у тым ліку тыя, якія звязаныя з купляй нерухомасці. Аднак заявы на атрыманне «залатой візы», пададзеныя да ўступлення ў сілу новага закона, будуць разгледжаныя паводле ранейшых правіл.

Еўракамісія яшчэ ў 2022 годзе заклікала дзяржавы - чальцы ЕЗ адмовіцца ад розных сістэм надання грамадзянства або дазволу на жыхарства за інвестыцыі. Такія крокі раней зрабілі Ірландыя і Партугалія, а Італія прыпыніла праграму выдачы «залатых віз» для расейцаў і беларусаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com