У Беларусі могуць значна падаражэць многія тавары

Іх кошты «адпусцілі».

Пералік тавараў, на якія рэгулююць кошты, скарацілі на 120 пазіцый. Пасля апошніх зменаў пастановы №713 у ёй засталося 211 пунктаў. Office Life склаў спіс самых папулярных тавараў, кошты якіх зараз будуць вольнымі.

Прадукты

Больш за ўсё з пераліку рэгуляваных коштаў выключана прадуктаў. Напрыклад, прыбралі мясныя катлеты, а таксама піражкі, чабурэкі, бліны і варэнікі з тварагом. Сярод такіх тавараў таксама вяршкі з каровінага малака і плаўленыя сыры.

Не будуць рэгуляваць кошты некаторых прысмакаў, напрыклад, халвы, тортаў, пірожных, какосавага парашку, а таксама сухароў і сушак.

Што да гародніны, са спісу прыбралі баклажаны, кроп, пятрушку, салату. А з садавіны - ківі, персікі, нектарыны, сухафрукты.

Электратавары

Кошты электрычных лямп і люстраў, посудамыйных машын, трымераў і электрабрытваў, электрычных разетак і падаўжальнікаў больш не падлягаюць рэгуляванню. Пад свабоднае цэнаўтварэнне таксама патрапілі матацыклы і скутэры.

Мэбля

З пераліку рэгуляваных тавараў зніклі абедзенныя, пісьмовыя і кампутарныя сталы, крэслы і зэдлічкі. Вольна фармуюцца кошты і набораў мяккай мэблі, гарнітуры для пярэдняга пакоя, мэбля для ваннага пакоя і спальні. Акрамя таго, адпусцілі і кошты ўсіх тыпаў дывановых пакрыццяў.

Тэкстыльныя вырабы

Рэгуляванне коштаў знятае з коўдраў, покрываў, абрусаў, штор, фіранак і жалюзі. У выніку можна чакаць падаражэння тэкстылю для дома. У галантарэі прыбралі абмежаванні са скураных пальчатак, сумак, рамянёў, мужчынскіх гальштукаў і парасонаў.

Іншая культурна-бытавая прадукцыя

Кошты лічбавых фотакамер, музычных прылад, смартфонаў, планшэтаў, кампутараў і ноўтбукаў зараз таксама не рэгулююцца.

Нагадаем, што 2 красавіка ўрад падпісаў чарговую версію пастановы №713(6), а 3 красавіка дакумент быў афіцыйна апублікаваны на Нацыянальным прававым партале. Асноўныя нормы новай пастановы набываюць моц праз месяц, а некаторыя - з 15 красавіка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com