У Беларусі разам з вучэннямі «Захад-2025» пройдуць яшчэ тры ваенныя трэніроўкі АДКБ

Ваенныя манеўры пачнуцца ў верасні.

Першыя штабныя перамовы для арганізацыі і правядзення супольных вучэнняў з войскамі (калектыўнымі сіламі) АДКБ, якія ў 2025 годзе будуць праведзеныя ў форме супольнага аператыўна-стратэгічнага вучэння «Баявое брацтва – 2025», адбыліся 1–3 красавіка ў Аб'яднаным штабе АДКБ. Пра гэта БелТА паведаміў прэс-сакратар Аб'яднанага штаба Уладзіслаў Шчагрыковіч.

У перамовах, праведзеных пад агульным кіраўніцтвам першага намесніка кіраўніка Аб'яднанага штабу АДКБ генерал-лейтэнанта Хасана Калоева, удзельнічалі прадстаўнікі зацікаўленых міністэрстваў і ўстановаў Беларусі, Казахстана, Кыргызстана, Расеі, Таджыкістана, Сакратарыяту АДКБ і Антытэрарыстычнага цэнтру.

«Падчас штабных перамоваў разгледжаныя і абмеркаваныя мэты, змест этапаў, тэрміны і раёны правядзення супольных вучэнняў; папярэдні склад задзейнічаных у вучэннях органаў кіравання і войскаў (сілаў); арганізацыя кіравання, зладжвання і ўсебаковага забеспячэння вучэнняў; парадак удзелу ў вучэннях запрошаных у якасці наглядальнікаў прадстаўнікоў дзяржаваў, якія не з'яўляюцца чальцамі АДКБ, і міжнародных арганізацый; арганізацыя паказаў новых узораў узбраення, ваеннай і спецыяльнай тэхнікі», – расказаў прэс-сакратар.

Асаблівую ўвагу ў ходзе супольных вучэнняў плануецца аддаць паэтапнай працы фарміравання і зладжвання камандаванняў, практычнай адпрацоўцы разгортвання пунктаў кіравання груповак войскаў сіламі і сродкамі дзяржаваў, а таксама даследаванню пытанняў арганізацыі кіравання з задзейнічаннем спецыялістаў базавых вучэбна-метадычных і навукова-даследчых арганізацый.

Сёлета вучэнні АДКБ пройдуць ва Усходне-Еўрапейскім і Цэнтральна-Азіяцкім рэгіёнах калектыўнай бяспекі. У верасні ў Беларусі будуць праведзеныя супольнае вучэнне з калектыўнымі сіламі аператыўнага рэагавання «Узаемадзеянне-2025», спецыяльныя вучэнні з сіламі і сродкамі выведкі «Пошук-2025», матэрыяльна-тэхнічнага забеспячэння «Эшалон-2025», задумы якіх плануецца цесна ўвязаць з мэтамі супольнага стратэгічнага вучэння Узброеных сілаў Рэспублікі Беларусь і Расейскай Федэрацыі «Захад-2025».

У сярэдзіне кастрычніка ў Кыргызстане будуць арганізаваныя аператыўны збор з камандаваннем і камандна-штабное вучэнне з падраздзяленнямі калектыўных сілаў хуткага разгортвання Цэнтральна-Азіяцкага рэгіёну «Рубеж-2025». У другой палове кастрычніка ў Таджыкістане плануецца правесці супольнае вучэнне з міратворчымі сіламі «Непарушнае брацтва – 2025» і спецыяльнае вучэнне з супольным фармаваннем радыяцыйнай, хімічнай і біялагічнай абароны і медыцынскага забеспячэння «Бар'ер-2025», якія будуць узаемазвязаныя з антытэрарыстычным вучэннем кампетэнтных органаў дзяржаваў – удзельніцаў СНД «Садружнасць-Антытэрор – 2025».

«Мерапрыемствы супольнай аператыўнай і баявой падрыхтоўкі будуць праводзіцца ў адпаведнасці з зацверджаным Радай міністраў абароны і Камітэтам сакратароў радаў бяспекі АДКБ планам з мэтай падтрымання гатоўнасці войскаў (калектыўных сілаў) АДКБ да адэкватнага рэагавання на крызісныя сітуацыі і выканання задачаў арганізацыі калектыўнай бяспекі», – дадаў прэс-сакратар.

Паводле вынікаў дасягнутых у ходзе штабных перамоваў дамоўленасцяў падпісаны пратакол, які накіраваны вызначаным парадкам у дзяржавы – чальцы АДКБ для арганізацыі далейшай працы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com