FT: У Турцыі працягваецца паляванне на апазіцыю

Эрдаган арыштаваў 18 супрацоўнікаў мэрыі Стамбула.

У Турцыі працягваецца маштабная кампанія рэпрэсій супраць апазіцыі, піша The Financial Times (пераклад — сайт Charter97.org). Улады арыштавалі 18 супрацоўнікаў мэрыі Стамбула паводле абвінавачванняў у карупцыі. Гэта адбылося неўзабаве пасля затрымання больш як 50 чалавек, звязаных з мэрам горада Экрэмам Імамаглу, папулярным апазіцыйным палітыкам, які, паводле апытанняў, можа перамагчы прэзідэнта Раджэпа Таіпа Эрдагана на выбарах.

Імамаглу, які выступае супраць "канала Эрдагана" — дарагога інфраструктурнага праекта-быў узяты пад варту ў мінулым месяцы паводле абвінавачвання ў карупцыі і сувязях з тэрарыстамі. Ягоны арышт выклікаў масавыя пратэсты, найбуйнейшыя за апошняе дзесяцігоддзе, падзенне на фінансавых рынках і абвінавачванні ў палітызацыі судовай сістэмы.

Сярод затрыманых апынуўся брат жонкі Імамаглу - Севат Кая, а таксама жонка аднаго з ягоных дарадцаў. Астатнія 34 падазраваныя былі вызваленыя, паведамляе дзяржаўнае агенцтва Anadolu. Суд заявіў, што арыштаваныя падазраюцца ў атрыманні хабараў і ўдзеле ў злачыннай арганізацыі.

Імамаглу ў сацсетках заявіў, што затрыманыя “не зрабілі нічога дрэннага” і заклікаў грамадзян змагацца з тымі, хто “раскладае нашу дзяржаву”.

Кампанія выйшла далёка за межы апазіцыйнай Рэспубліканскай народнай партыі Турцыі. Пад прыцэлам уладаў апынуліся таксама бізнэс-лідары і медыйныя фігуры. Так, паліцыя дапытала Амера Араса з найбуйнейшай бізнэс-асацыяцыі Tüsiad за крытыку палітыкі ўрада, а прадусарка Айше Барым арыштаваная за меркаваную ролю ў пратэстах 2013 года. Ёй пагражае да 22 гадоў пазбаўлення волі.

Суд таксама пачаў слуханні паводле справы ультраправага палітыка Уміта Оздага, які абвінавачваецца ў “абразе прэзідэнта” пасля таго, як ён заявіў, што кіраванне Партыі справядлівасці і развіцця нанесла Турцыі больш шкоды, чым “усе крыжовыя паходы”.

Урад адмаўляе ціск на суды, аднак, са звестак апытанняў, 65% туркаў уважаюць арышт Імамаглу несправядлівым, а 61% упэўненыя, што гэта спроба не дапусціць ягонага ўдзелу ў выбарах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com