Актывісты Greenpeace пакінулі пасланне для Трампа ў ягоным гольф-клубе ў Шатландыі
1- 30.04.2025, 20:58
- 3,308
ФОТАФАКТ.
Актывісты Greenpeace на полі гольф-клуба Trump Turnberry ў Шатландыі зрабілі надпіс з партрэтам прэзідэнта ЗША Дональда Трампа на знак пратэсту супраць яго экалагічнай палітыкі.
Пра гэта паведамляе Reuters у сераду, 30 красавіка.
Як адзначылі ў Greenpeace, яе актывісты зрабілі партрэт Дональда Трампа на пясчаным пляжы разам з надпісам «Час супраціўляцца — змагайся з захопам мільярдэраў».
Як піша Reuters, гульцы ў гольф не звярнулі ўвагу на пасланне арганізацыі, якое было за некалькі сотняў метраў ад іх, і якое было відаць толькі з паветра.
Агенцтва паведамляе, што група Greenpeace апублікавала аэрафотаздымкі пакінутага паслання, памерам прыкладна з палову футбольнага поля, каб адзначыць першыя 100 дзён другога тэрміну Трампа, за якія ён вывеў ЗША з Парыжскага кліматычнага пагаднення і падтрымаў праекты ў здабычы вугалю і нафты.
«На працягу першых 100 дзён прэзідэнт Трамп актыўна працаваў над дэмантажом і аслабленнем аховы навакольнага асяроддзя і нападам на тых, хто змагаецца за абарону прыроды і нашага агульнага клімату», — заявіла выканаўчы дырэктар Greenpeace у Вялікабрытаніі Арыба Хамід.
Reuters піша, што пасланне на Trump Turnberry - гэта ўжо другі выпадак за два месяцы. Раней там замазалі прапалесцінскія графіці, а на адной з зялёных зон пакінулі надпіс «Газа не прадаецца».
У студзені Дональд Трамп падпісаў указ аб выхадзе ЗША з Парыжскага кліматычнага пагаднення. Ён таксама рабіў гэта падчас свайго першага прэзідэнцкага тэрміну.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
