Кошт нафты Brent упершыню са жніўня 2021 года ўпаў ніжэй за $65 за бараль

Кошт чэрвеньскіх ф'ючэрсаў на нафту абрынуўся на 8,02%.

Кошт чэрвеньскіх ф'ючэрсаў на нафту маркі Brent на лонданскай біржы ICE Futures абваліўся на 8,02% і на мінімуме апусціўся да $64,35 за бараль, сведчаць звесткі гандлю на 14:32 паводле Менска. Папярэдні раз нафта была таннейшая за $65 за бараль больш за 3,5 года таму – 23 жніўня 2021 года.

За апошнія дзве гандлёвыя сесіі нафтавыя каціроўкі ўпалі на 13,59 адсотка. Падзенне пачалося пасля таго, як 2 красавіка прэзідэнт ЗША Дональд Трамп абвясціў пра ўвядзенне з 5 красавіка новых мытаў у дачыненні да тавараў са 183 краінаў Яны складуць ад 10–50% для розных краінаў. Трамп растлумачыў пастанову аб увядзенні мытаў неабходнасцю аднаўлення эканомікі ЗША, якая цягам апошніх гадоў «зазнала разрабаванне, гвалт і раскраданне нацыямі блізкімі і далёкімі, як сябрамі, так і ворагамі».

На падзенні нафтавага рынку таксама адбіліся планы АПЕК+ павялічыць аб'ёмы здабычы сыравіны ў траўні на 411 тыс. бараляў за дзень замест запланаваных раней 135 тыс. бараляў за дзень.

У пятніцу нафтавыя каціроўкі паскорылі падзенне на навіне, што Кітай увядзе мыты ў адказ памерам 34% на ўсю прадукцыю з ЗША. Гэтыя захады пачнуць дзеянне 10 красавіка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com