У Расеі чакаецца наймагутнейшы крызіс

Расейскія акцыі патаннелі на 2 трыльёны рублёў за два дні.

Расейскі рынак акцый перажыў найгоршы тыдзень за два з паловай гады на фоне пастановы Дональда Трампа ўвесці рэкордныя за 100 гадоў мыты на імпарт і падзення коштаў нафты, па якіх ударыла пастанова краін ОРЕС+ значна павялічыць здабычу, піша The Moscow Times.

За два дні капіталізацыя рынку акцый Маскоўскай біржы ўпала на 2 трлн рублёў, вынікае з біржавых звестак: на канец таргоў серады гэта было 55,04 трлн рублёў, а да вечара пятніцы – ужо 53,02 трлн рублёў. Індэкс Масбіржы, які ўключае паперы 43 найбуйнейшых кампаній, за тыдзень страціў 8,05%, паказаўшы найгоршы вынік з канца верасня 2022 года, калі рынак ахапіла паніка праз мабілізацыю.

Па выніках таргоў у пятніцу акцыі Сбера абрынуліся на 5,2%, «Газпрома» - на 4,9%, ВТБ - на 6%, «Раснафты» - 3,9%, «Лукойла» - на 4,6%. Больш за 7% страцілі паперы «Мечэл», на 4,8% упалі каціроўкі «Аэрафлоту», на 5,4% – «Новатэка».

«На нашых вачах разгортваецца наймагутны крызіс», – канстатуе Яўген Коган, інвестбанкір і прафесар ВШЭ. Мыты Трампа радыкальна мяняюць правілы гульні ў сусветным гандлі і абяцаюць сусветнай эканоміцы трэцюю з пачатку стагоддзя рэцэсію: аналітыкі JPMogran ацэньваюць яе імавернасць на 60%.

На гэтым фоне імкліва таннее сыравіна: кошт нафты Brent за два дні абрынуўся на 12% і на піку распродажаў дасягаў $64,06 за барэль - самага нізкага ўзроўню з красавіка 2021 года. На 11% за два дні абрынуліся ф'ючэрсы на медзь. Фондавыя індэксы ў ЗША страцілі 5% у чацвер і столькі ж у пятніцу. Пятнічныя таргі на біржах Еўропы скончыліся падзеннем на 4-5% пасля таго, як Кітай абвясціў мыты ў адказ у суме 34% на ўсе амерыканскія тавары.

Эканоміцы Расеі сусветныя гандлёвыя войны абяцаюць падзенне коштаў сыравінных тавараў, падаражанне імпарту і новы віток інфляцыі, пералічвае аналітык «Вялес Капіталу» Алена Кажухова.

Танная нафта таксама азначае праблемы з бюджэтам і можа прынесці падзенне рубля ў найбліжэйшыя месяцы, папярэджвае Коган: «Выратаваць сітуацыю мог бы прагрэс на мірных перамовах, але яго пакуль не відаць».

Паездка ў Вашынгтон кіраўніка РФПІ Кірыла Дзмітрыева, якая адбылася пасля таго, як Трамп прыстрашыў жорсткімі санкцыямі супраць расейскай нафты, не прынесла прарыву. ЗША гатовыя чакаць яшчэ некалькі тыдняў, не месяцаў, і «гадзіннікі цікаюць», заявіў пасля сустрэчы з Дзмітрыевым кіраўнік Дзярждэпа Марка Рубіё.

З сярэдзіны лютага, калі расейска-амерыканскія перамовы стартавалі, «Газпрам» упаў ужо на 30%, «Нарнікель» – на 25%, «Раснафта» – на 28%. І на рынку, імаверна, пачаліся маржын-колы, не выключае Коган.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com