У ЕЗ адрэагавалі на ўдар Расеі балістыкай па Крывым Рогу
10- 5.04.2025, 11:37
- 8,982
Так выглядае «спыненне агню» ад Пуціна.
Палітыкі і дыпламаты Еўрапейскага Звязу адрэагавалі на ракетны ўдар расейскага войска па Крывым Рогу Днепрапятроўскай вобласці ў пятніцу, 4 красавіка.
Міністр абароны Нідэрландаў Рубэн Брэкельманс напісаў у Twitter, што «пакуль уся Еўропа рыхтуецца да выходных, украінцы жывуць у іншай рэальнасці».
«Яшчэ адна расейская атака, але да гэтага ніколі нельга прызвычаіцца. Вось чаму мы павінны паскорыць падтрымку Украіны!», - напісаў ён.
У пасольстве Швэйцарыі ва Украіне таксама выказалі спачуванні сем'ям загінулых і параненых у Крывым Рогу.
«Цывільнае насельніцтва ніколі не павінна станавіцца мішэнню», - адзначылі там.
Галоўная дыпламатка Еўрапейскага Звязу Кая Калас напісала аб «трагічных і бесчалавечных кадрах», якія паступаюць з Крывога Рога пасля ракетнага нападу.
«Чарговы безразважны расейскі абстрэл нанёс удар па шматлюдным жылым раёне...Расея працягвае знішчаць Украіну, яна не зацікаўленая ў міры», — гаворыцца ў паведамленні.
Кіраўнік Міністэрства замежных спраў Эстоніі Маргус Цакхна пракаментаваў атаку, адзначыўшы, што Расея «імкнецца да вайны, а не да міру», а напады на цывільнае насельніцтва, уключаючы дзяцей, з'яўляюцца «жорсткім довадам» гэтага.
Ён таксама выказаў спачуванні родным і блізкім загінулых.
Міністр замежных спраў Чэхіі Ян Ліпоўскі заявіў, што выпускаць ракету па дзіцячай пляцоўцы «з'яўляецца не вайной, а варварствам».
«Нашы думкі з сем'ямі загінулых і з тымі, хто абараняе сваю краіну ад расейскага тэрору», - падкрэсліў ён.
Кіраўнік МЗС Літвы Кястуціс Будрыс працытаваў паведамленне з наступствамі ўдару па Крывым Рогу, коратка напісаўшы «Спыненне агню ад Пуціна».
Атака балістыкай на Крывы Рог 4 красавіка
Блізу 19:00 4 красавіка акупанты нанеслі балістычны ўдар па жылым мікрараёне Крывога Рога, пачаліся пажары. Прэзідэнт Уладзімір Зяленскі паведаміў, што расейская ракета ўдарыла побач з жылымі дамамі і дзіцячай пляцоўкай.
Бліжэй да раніцы 5 красавіка старшыня Рады абароны горада Аляксандр Вілкул паведаміў аб заканчэнні аварыйна-выратавальных работ на месцах атак расейскага войска. Загінулі 18 чалавек, з іх дзевяць дзяцей. Пацярпелых - больш за 60, у шпіталях застаюцца 40 чалавек. Пашкоджаныя амаль 20 шматпавярховікаў, больш за 30 аўто, установы адукацыі і грамадскага харчавання.
7, 8 і 9 красавіка ў Крывым Рогу абвешчаныя днямі жалобы па загінулых у выніку расейскіх абстрэлаў 4 красавіка.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
