Чакаць росту інфляцыі ў Беларусі?

Рэгуляванне коштаў некаторых тавараў скасавалі.

Улады, як і абяцалі, скасавалі рэгуляванне коштаў шэрагу тавараў. Гаворка ідзе пра так званае «справядлівае рэгуляванне», якое даручыў распрацаваць Лукашэнка.

Ці ўзляцяць зараз у Беларусі кошты? Чаго чакаць ад новай коштавай палітыкі? Гэтыя пытанні «Еўрарадыё» задало эканамісту.

«Можа ствараць рызыкі некаторых перакосаў»

Калі раней было больш за 300 найменняў тавараў з рэгуляванымі коштамі, то зараз іх засталося 200 з невялікім, кажа пра новаўвядзенні старэйшая навуковая супрацоўніца аналітычнага цэнтра Beroc Анастасія Лузгіна. Але і для гэтых пакінутых тавараў адбыліся змены - вытворцам дазволілі падвышаць іх кошты пры пэўных умовах.

— Кампаніі ці прадпрыемствы могуць падвышаць кошты, калі рэнтабельнасць не перавысіла фактычны ўзровень рэнтабельнасці рэалізаванай прадукцыі за 2021-2024 год у пэўным выглядзе тавараў.

Плюс, калі ў прадпрыемства адмоўная рэнтабельнасць, то можна падвышаць кошт да бясстратнага ўзроўню.

Настасся Лузгіна таксама кажа, што акрамя гэтага адбыліся змены для тавараў, прызначаных для далейшага экспарту.

- Па такіх таварах здымаюцца ўсе абмежаванні па цэнах. Выключэнне будзе толькі ў тым выпадку, калі прадукцыя, якая будзе ісці на экспарт, узгодненая з дзяржорганамі. Хутчэй за ўсё гэта зроблена для таго, каб кампаніі не імкнуліся прадаваць на экспарт.

Экспертка адзначае, што, з аднаго боку, улады пастараліся змякчыць тыя ўмовы, якія дзейнічалі дагэтуль, а, з другога боку, часткова цэнтралізаванае кіраванне коштамі захоўваецца - гэта можа ствараць рызыкі некаторых перакосаў, як было, напрыклад, з бульбай.

- Менавіта праз дзяржаўнае рэгуляванне бульбы вырабілі ў Беларусі летась менш, чым звычайна. Гэта значыць, проста не было выгады ў вырошчванні бульбы.

Кошты падымуцца, але не значна

Што тычыцца эфекту, то, са слоў Анастасіі Лузгінай, з улікам усіх правак цэны ў Беларусі падвысяцца.

- Я думаю, што варта чакаць некаторага паскарэння ў найбліжэйшыя месяцы дынамікі коштаў. Але зноў жа ўсё адно гэта будзе кантралявацца, рэгулявацца з боку дзяржаўных органаў, і мы наўрад ці ўбачым нейкі жорсткі скок.

Нагадаем, прэм'ер-міністр Беларусі Аляксандр Турчын падпісаў пастанову Савета міністраў №713(6) аб сістэме рэгулявання коштаў.

Пералік тавараў, якія падлягаюць цэнаваму рэгуляванню, скарацілі на 120 пазіцый - да 211.

Напрыклад, з-пад рэгулявання вывелі такія тавары, як халва, радыска, коўдры, шторы, абрусы і шматлікае іншае.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com