Генштаб УСУ: РФ зноў хлусіць аб энэргетыцы, каб схаваць злачынства ў Крывым Розе

Мінабароны Расеі распаўсюджвае ілжывыя заявы.

Расея зноў абвінавачвае Украіну ў «парушэнні» дамоўленасцяў аб спыненні агню. Гэта робіцца, каб адцягнуць увагу ад злачынстваў, учыненых расейскай дзяржавай супраць Украіны.

Пра гэта паведамляе Генеральны штаб УСУ.

Генштаб УСУ адзначыў, што сёння Мінабароны Расеі распаўсюджвае ілжывыя заявы аб нібыта "парушэнні" Украінай дамоўленасцей аб спыненні агню па аб'ектах энэргетыкі.

«Вораг гэта робіць выключна для таго, каб зрушыць сусветную ўвагу са злачынстваў, якія расейская дзяржава здзяйсняе супраць Украіны і ўкраінцаў», - адзначылі ў штабе.

Паводле іх звестак, расейцы прыдумалі новыя дэзінфармацыйныя абвінавачванні ў нібы 14 «атаках» Сіл абароны Украіны супраць расейскай энэргетычнай інфраструктуры на працягу 4 красавіка.

- «Напады» з'яўляюцца фэйкам. Напраўду Сілы абароны Украіны ажыццяўляюць агнявое паражэнне выключна па вайсковых мэтах расейскай акупацыйнай арміі, - адзначылі ў Генштабе.

У той жа час вайскоўцы адзначылі, што менавіта расейскія захопнікі працягваюць дэманстраваць сваю вар'яцкую сутнасць, цынічна ігнаруючы любыя дамоўленасці і ажыццяўляючы бязлітасныя атакі супраць украінскай грамадзянскай інфраструктуры і звычайных гарадоў і сёлаў.

Генштаб УСУ нагадаў, што ўчора, 4 красавіка, расейскія тэрарысты здзейснілі чарговае вайсковае злачынства, нанёсшы жудасны ўдар па Крывым Розе балістычнай ракетай "Іскандэр-М" з касетнай баявой часткай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com