У Белым доме раскол: Маск упершыню пайшоў супраць Трампа
58- 6.04.2025, 20:38
- 47,528
Мільярдэр асудзіў новыя тарыфы і гандлёвую вайну.
Паміж прэзідэнтам Амерыкі Дональдам Трампам і ягонай «правай рукой» Іланам Маском, мяркуючы з усяго, пачаўся першы сур'ёзны канфлікт. Мільярдэр дазволіў сабе публічную крытыку палітыкі лідара ЗША. Важную заяву Маск зрабіў у эфіры тэлеканала LA7, дзе ён выступіў разам з намеснікам прэм'ера Італіі Матэа Сальвіні, паведамляе Dialog.UA.
Мільярдэр раскрытыкаваў развязаную Трампам гандлёвую вайну. Ён падкрэсліў важнасць свабоднага руху тавараў для інавацыйных кампаній, такіх як Tesla, а таксама выказаў надзею, што тарыфы будуць скасаваныя ў найбліжэйшы час.
«І Еўропа, і ЗША павінны, на маю думку, у ідэале перайсці да сітуацыі з нулявымі тарыфамі, фактычна стварыўшы зону свабоднага гандлю», – заявіў Маск.
Раней у сваёй сацсетцы Х Маск даволі жорстка прайшоўся па найвышэйшым гандлёвым дарадцу Белага дому Пітэру Навара, які ўважаецца за галоўнага ідэолага тарыфнай палітыкі Трампа.
«Ступень доктара эканамічных навук Гарварда – гэта дрэнна, а не добра. Ён (нічога – рэд.) не пабудаваў сам», – напісаў ачольца Tesla.
У пачатку красавіка 2025 года прэзідэнт ЗША Дональд Трамп увёў новыя тарыфы на імпарт, уключаючы 34% мыты на тавары з Кітая, што выклікала захады ў адказ з боку Кітая.
Гэтыя падзеі прывялі да значных ваганняў на фондавых рынках і зрабілі прыкметны ўплыў на кампаніі Ілана Маска, асабліва Tesla. Пасля абвяшчэння новых тарыфаў акцыі Tesla ўпалі прыкладна на 5%. Гэтае зніжэнне звязана з асцярогамі інвестараў датычна павелічэння выдаткаў на вытворчасць і магчымага зніжэння попыту на прадукцыю кампаніі праз гандлёвыя бар'еры.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
