У РФ знайшлі патанулую падлодку
16- 7.04.2025, 8:27
- 35,414
На борце знаходзіліся 22 чалавекі.
У затоцы Пятра Вялікага ў Японскім моры знайшлі падводную лодку тыпу «Малютка», якая затанула ў гады Вялікай Айчыннай вайны, паведамляе мясцовае выданне VL.ru са спасылкай на прэс-службу Ціхаакіянскага флоту.
Субмарыну знайшлі вайскоўцы, для пошукавых работ прыцягвалі навукова-даследчае ветразнае судна «Іскра», гідраграфічнае судна «Віцэ-адмірал Варанцоў» і іншыя судны флоту. Тып субмарыны ўстанавілі чальцы экіпажа выратавальнага судна «Ігар Белавусаў».
Вайскоўцы выказалі здагадку, што знойдзеная дызельная субмарына з’яўляецца падводнай лодкай М-49. Сувязь з падлодкай была страчаная 16 жніўня 1941 года. На яе борце быў экіпаж у складзе 22 чалавек.
М-49 - падводная лодка XII серыі, яе заклалі летам 1937 года на стапелі завода №112 у Горкім (Ніжні Ноўгарад). У пачатку 1939 года падлодку спусцілі на ваду, у лістападзе яна ўвайшла ў склад Ціхаакіянскага флоту. У жніўні 1941 года М-4 выйшла на патруляванне ля Уладзівастока. Падчас аперацыі падлодка магла сутыкнуцца з мінай савецкай абарончай загароды.
У прэс-службе флоту адзначылі, што падводную лодку М-49, а таксама М-63 пачалі шукаць 20 гадоў таму. Абедзве зніклі паміж 10 і 17 жніўня 1941 года.
Субмарыны такога тыпу атрымалі назву «Малюткі» за невялікія памеры, якія дазвалялі перавозіць іх па чыгунцы без разборкі, адзначылі вайскоўцы.
Увесну 2019 года на дне Фінскай затокі даследнікі выявілі савецкую падлодку часоў Вялікай Айчыннай вайны Щ-302 «Акунь». Падводная лодка пайшла на дно пасля падрыву на супрацьлодкавай міне.
Апошнюю місію экіпаж падлодкі пачаў у кастрычніку 1942 года. Щ-302 «Акунь» накіроўвалася да выспы Магутная ў суправаджэнні канвою. Надвор'е пагоршылася, караблі схаваліся ў бухце, але падлодка не заўважыла сігналаў і працягнула рух. У сярэдзіне кастрычніка яна падарвалася на міне. На борце падлодкі знаходзіліся 37 чалавек.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
