Як Францыя можа замяніць амерыканскую ядзерную зброю ў Еўропе

Эксперт назваў этапы.

Замена амерыканскай «ядзеркі» у Еўропе на французскую будзе складацца з шэрагу элементаў. Першы з іх, гэта падпісанне новых двухбаковых пагадненняў.

Пра гэта распавёў эксперт Нацыянальнага інстытута стратэгічных даследаванняў Аляксей Іжак РБК-Украіна.

Пасля гэтага, як растлумачыў Іжак, неабходна будзе разглядаць працэдуры замены ядзернай зброі, а таксама інфраструктуры, якая зараз занятая амерыканскімі F-16, F-18 і F-35 з бомбамі Б-61, на французскія Rafale з ракетамі ASMP-A.

Пытанне ядзерных боегаловак Францыі

Са слоў Іжака, Францыя зараз мае дастатковую колькасць уласных ядзерных боегаловак. Зрэшты, паводле ацэнкі кіраўніцы Цэнтра ў пытаннях нераспаўсюду ядзернай зброі пры Адэскім нацыянальным універсітэце Паліны Сінавец, Парыжу ўсё ж давядзецца павялічыць іх колькасць, каб абараняць куды большую тэрыторыю.

Паводле звестак Defence Express, Парыж мае:

▪ 40 баявых зарадаў TN75 магутнасцю 110 кт і новых TNO магутнасцю 100 кт, якія ўсталяваныя ў балістычныя ракеты M51 на чатырох атамных падводных лодках класа Le Triomphant;

▪ 54 боегалоўкі TNA магутнасцю 100-300 кт, усталяваныя ў звышгукавыя ракеты ASMP-A. Іх здольныя несці самалёты Rafale.

Праблема палягае ў тым, што Францыя і Вялікая Брытанія маюць недастаткова боегаловак малой магутнасці.

«Бомбы, якія ёсць у амерыканцаў, маюць зменную магутнасць ад некалькіх кілатон да пяцідзесяці кілатон. І Расея заўсёды ведае, што гэтая зброя можа быць ужытая ў кожны момант на полі бою. А ў французаў і брытанцаў зараз няма такой нізкай магутнасці, у іх яна пачынаюцца ад ста кт. Знізіць магутнасць можна дастаткова хутка, але гэта яшчэ трэба зрабіць», - дадаў Іжак.

Як растлумачыў эксперт, знізіць магутнасць можна цягам года, але потым ядзерную зброю неабходна будзе адпрацаваць на вучэннях. У той жа час ён не выключае, што пэўныя захады ў гэтым пытанні маглі пачацца значна раней, што дасць магчымасць дасягнуць выніку хутчэй.

Ядзернае стрымліванне

У канцы лютага СМІ пісалі, што Францыя гатовая выкарыстоўваць свае сілы ядзернага стрымлівання для абароны еўрапейскага кантынента. Прынамсі, самалёты з ядзернай зброяй могуць быць накіраваныя ў Нямеччыну.

Пазней прэзідэнт Францыі Эмануэль Макрон заявіў, што пачаў стратэгічныя абмеркаванні па абароне ўсяго кантынента з дапамогай французскай ядзернай зброі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com