УСУ ўзялі ў палон кітайцаў, якія ваявалі на баку Расеі

Зяленскі патрабуе тлумачэнняў ад Пекіна.

УСУ ўзялі ў палон двух кітайцаў, якія ваявалі на баку Расеі. Яны патрапілі ў палон да ўкраінскіх вайскоўцаў падчас баёў у Данецкай вобласці.

Аб гэтым паведаміў прэзідэнт Украіны Уладзімір Зяленскі. Ён таксама сказаў, што чакае рэакцыю кітайскага ўрада на гэты інцыдэнт.

«Ёсць дакументы гэтых палонных, банкаўскія карткі, асабовыя звесткі. Я даручыў міністру замежных спраў Украіны неадкладна звязацца з Пекінам і высветліць, як Кітай збіраецца на гэта рэагаваць», - заявіў Зяленскі.

Зяленскі таксама адзначыў, што, паводле яго інфармацыі, кітайцаў у расейскім войску значна больш за дваіх. Усе факты высвятляюцца - працуюць УСУ, выведка, СБУ і г.д.

«Уцягванне Расеяй яшчэ і наўпрост ці ўскосна Кітаю ў гэтую вайну ў Еўропе - гэта выразны сігнал, што Пуцін збіраецца рабіць што заўгодна, акрамя заканчэння вайны. Ён шукае, як ваяваць далей. На гэта сапраўды патрэбная рэакцыя. Рэакцыя Злучаных Штатаў, Еўропы і ўсіх у свеце, хто хоча, каб быў мір», - адзначыў прэзідэнт Украіны. Палонныя кітайцы зараз знаходзяцца ў СБУ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com