У сховішчы менскага банка знайшлі вельмі дзіўную даляравую купюру

Фотафакт.

У адным з менскіх банкаў падчас пераліку грошай у сховішча супрацоўнікі заўважылі падазроную дзесяцідаляравую купюру 1988 года. У Дзяржкамітэце судовых экспертыз распавялі, якія дзівацтвы ў ёй выявілі.

Перш за ўсё, на купюры не супадалі лічбы і тэкст наміналу - як з вонкавага, так і са зваротнага боку. На здымку відаць, што ўнізе банкноты напісана «адзін даляр», аднак па краях значыцца лічба «10».

Аднак на партрэце выява Джорджа Вашынгтана, як і пакладзена на аднадаляравай купюры (на дзесяцідаляравай быў бы Аляксандр Гамільтан). А зверху на адным з бакоў ручкай напісана «сувенірная прадукцыя».

Праваахоўнікі канфіскавалі банкноту і адправілі яе на экспертызу. Падчас даследавання ўстанавілі, што сама па сабе купюра сапраўдная і з'яўляецца грашовым білетам Федэральнай рэзервовай сістэмы ЗША. Аднак першапачаткова гэта быў грошзнак наміналам адзін даляр. Лічбу «1» падчысцілі і акуратна дамалявалі «10» з дапамогай пёравай асадкі і чарнілаў, імітуючы арыгінал.

Па факце падробкі распачатая крымінальная справа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com