На беларускіх метэастанцыях перакрытыя рэкорды холаду 85-гадовай даўніны

15 тэмпературных антырэкордаў устаноўлена за апошнія тры ночы.

15 тэмпературных антырэкордаў устаноўлена за апошнія тры ночы на беларускіх метэастанцыях, сведчыць праведзены «Позіркам» параўнальны аналіз аператыўных і архіўных звестак Белгідрамета.

Найбольшая колькасць начных мінімумаў – 10 – была перапісаная ў ноч на 8 красавіка.

У Клічаве паветра астудзілася да 10 градусаў марозу (было -7,6 у 2013 годзе). Мінулай ноччу гэта было самым халодным месцам у краіне.

У Васілевічах і Мар'інай Горцы перакрытыя антырэкорды, якія трымаліся з 1940 года (адпаведна -6,1 супраць -5,6 і -7,7 супраць -7,4 градуса).

Абнавіліся лакальныя мінімумы таксама ў Жыткавічах (-6,8 супраць -6,5 у 2013 годзе), Жлобіне (-6,4 супраць -4,5 у 1963-м), Слуцку (-6,2 супраць -6 у 2013-м), Мазыры (-5,8 супраць -4,3 у 2013-м, 2013-м), Сянно (-4,6 супраць -4,4 у 1997-м) і Мсціславе (-4,3 супраць -3,2 у 2013-м). Паўтарыўся экстрэмум у Бабруйску (-7,2 у 2013 годзе).

Напярэдадні пахаладання, 3 і 4 красавіка, на асобных метэастанцыях былі зарэгістраваныя рэкорды цяпла.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com