«Проста ў дзяржавы няма грошай»

Рыэлтар расказаў пра масавыя аблавы ў агенцтвах нерухомасці Беларусі.

Паводле звестак СМІ, 8 красавіка сілавікі правялі масавыя ператрусы ў агенцтвах нерухомасці Беларусі. Супрацоўнік агенцтва нерухомасці расказаў «Cалідарнасці», як праходзілі ператрусы.

– Мне дакладна вядома пра ператрусы ў пяці агенцтвах. З іх адно невялікае, але чатыры – вельмі буйныя, у якіх працуе некалькі сотняў чалавек. У адным з іх калісьці давялося працаваць і мне, – адзначыла ў экспрэс-каментары «Салідарнасці» крыніца з Беларусі. – Але я мяркую, што ператрусы былі ў большай колькасці агенцтваў.

Цяпер спрабуем удакладняць інфармацыю, але вы ж разумееце, што такімі навінамі праз тэлефон ніхто не дзеліцца. Аднак з часам, вядома, усё даведаемся.

З затрыманых мне асабіста шмат хто знаёмы, таму што я вельмі даўно працую ў гэтай сферы.

Гэтыя ператрусы, паводле сведчанняў супрацоўнікаў агенцтваў, не былі падобныя да спантанных. Яны так і кажуць: «Відаць, што да аперацыі рыхтаваліся, збіралі інфармацыю».

У маім агенцтве ўсё ціха.

Насамрэч, да нашай сферы павышаную ўвагу праяўляюць ужо даўно. Прынялі закон «Аб рыэлтарскай дзейнасці», у канцы красавіка павінны прыняць змены ў закон аб страхаванні, праз якія рыэлтары могуць страціць частку сваіх прыбыткаў.

Ужо былі і «паказальныя лупцоўкі» з пазбаўленнем ліцэнзіі некалькіх агенцтваў. Лагічна меркаваць, што наступным крокам магло быць менавіта гэта, на жаль.

– Як думаеце, што могуць ад вас хацець?

– Паколькі прыйшлі да самых буйных гульцоў, думаю, гаворка ідзе менавіта пра выплату падаткаў. Калі гэта так, то ў меншай ступені пацерпяць рыэлтары і агенты, у большай ступені могуць пацярпець заснавальнікі, наёмныя дырэктары, бухгалтары – усе, хто мае дачыненне да падаткаабкладання.

Рыэлтар у асноўным прапануе юрыдычную дапамогу.

Але нават калі ў органаў ёсць пытанні з выплатай падаткаў, у любым выпадку ўрывацца ў офіс, ладзіць «маскі-шоу», класці ўсіх тварам у падлогу – гэта самавольства.

А ўсе, хто мне расказваў пра тое, што адбылося, пацвердзілі, што менавіта ўрываюцца, усіх укладваюць, а потым ужо пачынаюць разбірацца.

У любым выпадку, калі і пацвердзіцца, што ёсць склад злачынства, яно ўсё роўна эканамічнае. Гэта не забойцы і не тэрарысты, каб так рабіць з людзьмі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com