Чыгуначнікі: У аварыю з лесавозам пад Жлобінам патрапіў дэфіцытны Stadler

Да яго няма запчастак.

Увечары 30 красавіка на чыгуначным пераездзе паміж станцыямі Цялуша і Чырвоны Бераг сутыкнуліся пасажырскі цягнік міжрэгіянальных ліній бізнэс-класа №752 Менск — Гомель (міжрэгіянальнай бізнэс-лініі) і лесавоз. Супольнасць чыгуначнікаў Беларусі пракаментавала інцыдэнт «Флагштоку».

«Гэта дорага (рамантаваць склад. - Заўвага. рэд.), і запчастак няма. Цягнік ЭПм Stadler быў прыпісаны да менскага вагоннага ўчастку ТЧ-9. Такіх Stadler мала, і ўсе яны занятыя ў руху. Яго давядзецца замяніць складам з лакаматыўнай цягай. Адпаведна, пацярпяць хуткасць і камфорт», - растлумачылі ў супольнасці.

Меркаваным вінаватым інцыдэнту першапачаткова назвалі кіроўцу лесавоза. Аб тым, што ён парушыў правілы дарожнага руху і выехаў на чырвоны сігнал святлафора, заявілі ў БЧ.

Аднак неўзабаве, як заўважыў «Флагшток», Жлобінскі лясгас са свайго боку пракаментаваў інцыдэнт і заявіў, што кіроўца не вінаваты і не ехаў на чырвоны.

«Пры пераездзе чыгуначнага шляху сартыментавоз заглух, аператыўна завезці аўтамабіль не ўдалося, у гэты момант адбылося сутыкненне з цягніком. У момант заезду на чыгуначныя шляхі святлафор яшчэ не быў чырвоным. Кіроўца сартыментавоза, які належыць Жлобінскаму лясгасу, не парушаў правілы дарожнага руху».

Нагадаем, інцыдэнт адбыўся 30 красавіка а 17.55.

«На момант здарэння ў цягніку знаходзілася 240 пасажыраў. Паводле аператыўнай інфармацыі, ніхто з іх не пацярпеў. У выніку аварыі пашкоджаныя кабіна электрацягніка, два вагоны і кантактная сетка», - адзначылі ў БЧ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com